Protesta kombëtare e thirrur nga opozita e bashkuar në 16 Mars do të përcaktojë edhe radikalizimin e aksionit opozitar. Aleatët e Lulzim Bashës të cilët qëndruan për afro një orë në zyrën e kreut të demokratëve nuk e përjashtuan idenë e marrjes së një tjetër vendimi ekstrem pas lënies së mandateve, siç është tërheqja e të zgjedhurve lokalë demokratë.<br /><br />?Këto do të diskutohen pas datës 16. Të jeni të sigurt që sulmi i opozitës do të jetë 360 gradë. Në të gjitha institucionet, në të gjithë hapësirën shoqërore, politike dhe ndërkombëtare. Këtë do e përcaktojmë pas datës 16 Mars kur do të jetë dhe protesta e madhe?, tha Kryetari i LZHK, Dashamir Shehi.<br /><br />Koordinimi i aksionit opozitar dhe protestat që do të nisin e atë të së enjtes përpara parlamentit ishin një tjetër temë diskutimi mes aleatëve.<br /><br />?Opozita duhet të bëjë çdo gjë që do ta çojë Shqipërinë në binarët kushtetues dhe europian. Problemi më i madh i Shqipërisë është korrupsioni?, tha kryetari i PR-së, Fatmir Mediu.<br /><br />Protesta e së enjtes do të jetë edhe në fokus të një tjetër takimi në orët e pasdites që Lulzim Basha do të zhvillojë me Kryetarët e degëve të Partisë Demokratike të Tiranës.<br /><br />Tv Klan
