Gjykata ka pranuar kërkesën e Ervin Salianjit, deputetit që ka hequr dotë nga mandati, për të mbyllur hetimet e nisura nga Prokuroria për çështjen "Babale".<br /><br />Gjykata caktoi afat deri më 20 mars, si kohë kur prokuroria duhet t'i ketë mbyllur hetimet.<br /><br />Salianji kishte bërë ankimim në gjykatë, pas pretendimeve sipas tij se hetimet po zvarriten. Duhej të përfundonin në prill, por Gjykata ka dhënë verdiktin e saj dhe hetimet për tre javë të tjera, pritet të nxjerrin konkluzionet përfundimtare nëse e gjithë historia "Babale" ishte një sajesë apo jo.<br /><br />Përmes një audio-përgjimi të publikuar në një media online në Shqipëri, dhe që më tej u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, njohur si "Babale" për pazare droge. Por zëri i audios rezultoi të mos ishte i Agron Xhafës.<br /><br />Avokati tha se Salianji do të vijojë të hetohet si deputet për akuzën e kallëzimit të rremë që është ngritur ndaj tij, pavarësisht se e ka dorëzuar mandatin. Avokati tha se në kohën kur ka nisur hetimi, Salianji ka qenë deputet dhe si i tillë duhet të hetohet.<br /><br />Vec deputetit të dorëhequr në hetim janë dhe Albert Veliu dhe i afërmi i tij që imitoi zërin e Afron Xhafës, Fredi Alizoti.
