Ish-Presidenti kroat, Stipe Mesiç bën përgjegjëse Serbinë për zvarritjen e dialogut me Kosovën. Në një intervistë për Klan Maqedoninë, Mesiç akuzon qeverinë serbe se përdor standarde të dyfishta në problemet që ka me fqinjët.<br /><br />"Problemi është Beogradi që po të marrim si shembull Bosnjen, mbështet unitetin e këtij vendi. Por po ashtu mbështet për çdo gjë edhe Milorad Dodikun, liderin e serbo-boshnjakëve që nuk e njeh Bosnje Hercegovinën. Pak a shumë të njëjtën sjellje ka edhe ndaj Prishtinës dhe botës shqiptare dhe hiqet sikur nuk i kupton faktet historike".<br /><br />Mesiç thotë se Pavarësia e Kosovës është fakt dhe Serbia herët a vonë duhet t?a pranojë. Sipas tij, vetëm pasi kjo të ndodhë Kosova dhe Serbia mund të diskutojnë për kufij si shtete të pavarura.<br /><br />"Arkitektura e vendeve evropiane, përfshirë këtu edhe Kosovën, ka përfunduar. Asnjë kufi nuk është deri në fund ?letër e shenjtë? që të mos mund të ndryshojë diçka, por së pari duhet njohur shtetin me të cilin bisedohet".<br /><br />Marrëveshja e Kosovës dhe Serbisë, bashkë me atë mes Maqedonisë Veriore dhe Greqisë, sipas ish-presidentit kroat, janë dy zhvillime që hapin një epokë të re në Ballkanin Perëndimor.<br /><br />Tv Klan
