Duke iu referuar fakteve dhe dokumenteve zyrtare, Top Story pasqyroi rrezikshmërinë që vendi ynë përballet nga barnat e pasigurtë, ato fals dhe ilaçet e keqrekomandur apo të keqpërdorur. <br /><br />Top Story në këtë dokumetar, zbuloi skema abuzimi dhe korrupsioni me rimbursimin e ilaçeve, ku grosistët kanë përfituar padrejtësisht qindra mijëra euro. <br /><br />Nga intervistat e siguruara nga Top Story me ekpertët, zbulojmë se në Shqipëri ka barna të falsifikuara por nuk raportohen. <br /><br />Barnat kontrabandë që shiten në qendër të Tiranës, apo barna të importuar nga Turqia dhe Serbia, janë të tjera detaje që Top Story preku përmes këtij dokumentari.
