Është njohur me tre akuza të ngritura nga Prokuroria për krime të Rënda, vepra që ish-ministri Saimir Tahiri, i quan aq të rënda sa vetëm ndaj Aldo Bares janë ngritur në Shqipëri të tilla akuza.<br /><br />Në prokurori, Tahiri u njoh me tre akuza, të trafikut të drogës, krijimit të grupit të strukturuar kriminal, dhe kryerja e veprës penale në kuadër të grupit kriminal.<br /><br />"Prokuroria sic e nisi e bitisi atë punë", tha Tahiri në një prononcim për mediat pai doli nga prokuroria.<br /><br />E quan një proces të komanduar, dhe sqaroi se kjo fjalë, nënkuptonte një lidhje të politikës, krimit dhe drejtësisë, në të njëjtën forcë lidhjeje si "Ati, biri dhe Shpirti", theksoi Tahiri.<br /><br />Pavarësisht nxitjes që kam nga brenda për tu marrë me këtë histori, përsakohë jam në këtë situatë, do respektoj drejtësinë dhe do i shkoj drejtësisë deri në fund, duke besuar. Historia ime lindi si një proces politik, dhe kur them prokurori e komanduar, kam politikën, krimi dhe drejtësinë. që janë aq bashkë saç është edhe ati biri dhe shpirti i shenjtë, nuk janë ndarë ende, dhe unë po e shoh", u shpreh Tahiri.<br /><br />Tha se ende nuk ka marrë asnjë provë të re në prokurori, pasi tha që do njihet më vonë me të. A ka frikë se prokuroria mund të kërkojë arrestimin e tij përsakohë ka ngritur këto akuza të rënda.<br /><br />Tahiri shfaqet i fortë. Në fakt edhe kur sapo doli nga prokuroria për Krime të Rënda, u shfaq i buzëqeshur.
