#oranews<br />Lulzim Basha iu përgjigj nga Shkodra delegecionit të PE-së, duke theksuar se rrugën drejt Europës nuk po e pengon opozita por qeveria e kapur nga krimi. Në Europë, tha Basha, nuk shkohet me gënjeshtra, ndërsa i pyeti ndërkombëtarët nëqoftëse do pranonin një qeveri të lidhur me krimin që ka nënshtruar qytetarët.<br /><br />Kryetari Partisë Demokratike iu përgjigj nga Shkodra, kritikave të delegacionit të Parlamentit Europian.<br /><br />Basha: Kenedi pat thënë dikur "mos pyesni çfarë do bëjë vendi juaj për ju, por pyesni çfarë do bëni ju për vendin tuaj".<br /><br />Pas një takimi me strukturat, Basha tha se kjo sakrificë që po bën opozita, është e domosdoshme për të zhbllokuar rrugën drejt Europës.<br /><br />Basha: Rrugën drejt Europës e pengon krimi dhe korrupsioni, ortakëria me krimin e organizuar. Sakrifica e opozitës është për të rikthyer demokracinë e vërtetë, për të mos qene fasadë e një parlamenti prodhim i krimit. <br /><br />Detyra jonë është që me durim dhe me vendosmëri të shpalosim të vërtetën dhe faktet që, për një kohë kaq të gjatë, janë helmuar nga propaganda e Edi Ramës. E vërteta dhe faktet na çojnë drejt Europës. Nuk shkohet në Europë me gënjeshtra, me hilera. Në Europë shkohet më të vërteta dhe me vlera. Dhe në këtë rrugëtim e nisim pikërisht në emër të vlerave.<br /><br />Opozita, tha Lulzim Basha, do ti ndalë protestat vetëm kur të krijohet një qeveri tranzitore dhe zyrtarët e korruptuar të shkojnë para drejtësisë.<br /><br />Basha: Kjo është një betejë që ne e bëjmë për vlerat europiane. Kjo është një betejë që e bëjmë për njerëzit, ndaj e bëjmë me njerëzit, jo të izoluar nga ata siç është klika kriminale në pushtet.<br /><br />Sot Shqipëria, tha Basha, nuk ka parlament por një bandë ku sipas tij një në 3 deputet përfaqëson bandat.<br /><br />Basha tha se protestat dhe mosbindja civile do të vazhdojë për largimin e Ramës. Ai i drejtoi disa pyetje ndërkombëtarëve.<br /><br />Basha: A do të pranonit për vendin tuaj, këtë që i kërkoni shqiptarëve të pranojnë për veten e tyre?<br /><br />A do të pranonit një kryeministër që vjen me krimin, qeveris për krimin në vend që t?i shërbejë popullit?<br /><br />A do të pranonit vjedhjen masive të parave të shqiptarëve me PPP korruptive, me tendera korruptivë të demaskuar edhe nga mediat ndërkombëtare?<br /><br />A do të pranonit bashkëqeverisjen në çdo nivel, me bandiët që terrorizojnë qytetarët?<br /><br />A do të pranonit mjerimin ekonomik, varfërinë, mungesën e shpresës dhe emigracionit që kjo ka mbjellur?<br /><br />Sepse përgjigja e tyre do të ishte e thjeshtë dhe e qartë: Askush nuk e pranon këtë për veten e tyre, nga Skandinavia deri në vendet anëtare të BE-së në Mesdhe.<br /><br />Për më shumë lexoni në: http://www.oranews.tv/article/basha-i-pergjigjet-eurodeputeteve-me-nje-thenie-te-kenedit<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/...
