Çështja e sigurisë së ashensorëve, edhe pse më pak e diskutuara vazhdon të jetë më problematikja. Jo pak herë ashensorët kanë qenë problematikë, duke bërë që qytetarët të jenë mjaft të ekspozuar ndaj incidenteve. Rasti më i fundit u shënua para pak ditësh në "Don Bosko", pasi ashensori i një ndërtese u shkëput, ndërsa brenda në të ndodhej një vajzë 24-vjeçare.<br /><br />Por e njëjta situatë paraqitet edhe në ashensorët e disa prej pallateve në kryeqytet. Problematikat që vërehen më së shumti lidhen me mungesën e kontrolleve shtetërore, supervizimin e përgjegjshëm dhe mbarëvajtjen e tyre.<br /><br />Qytetarët: ?Ashensorët nuk funksionojnë, nuk e dimë pse nuk na kanë informuar. Prej dy javësh nuk punojnë edhe pse paguajmë për mirëmbajtjen?.<br /><br />Një tjetër problematikë që evidentoi Report Tv gjatë vëzhgimit të bërë, është dhe fakti që në kabinën e ashensorit nuk ka asnjë të dhënë. Mungojnë të dhënat e kompanisë që i ka instaluar dhe i mirëmban, dhe sa persona duhen të qëndrojnë në ashensor.<br /><br />Për ashensorët dhe komponentët e sigurisë së tyre është ngarkuar ministria e Financave dhe Ekonomisë.<br /><br />Kërkuam informacione për këtë problematikë, por zëdhënësja e kësaj ministrie Violeta Shqalsi na la në pritje, me argumentin se për të informuar, për të qenë transparent apo ndërgjegjësuar qytetarët duhet tu drejtohemi me shkresë zyrtare.<br /><br />Kompetencat per sigurine e ashensoreve i ngarkohen Ministrise se Ekonomise dhe Financave.
