Gjashtë pedagogë janë shkarkuar nga Universiteti Bujqësor i Kamzës, pasi janë denoncuar nga studentet për ngacmime seksuale. Urdhrin e largimit nga puna e ka firmosur rektori i Universitet, Bahri Musabelliu, fakt të cilin e konfirmon për Report Tv. Mësohet se ndaj tre prej tyre ka nisur edhe një procedim penal.<br /><br />Po ashtu, pedagogët akuzohen edhe për mitmarrje, shitje të librave me detyrim ndaj studentëve dhe paaftësi për shpjegimin e lëndëve përkatëse. Kanë qenë vetë studentët që kanë trokitur në derën e dekanit duke i paraqitur problematikat në Universitet.<br /><br />Dekani thotë se fjala e tyre është dëgjuar dhe është reflektuar menjëherë me largimet nga puna të pedagogëve, emrat e të cilëve dekani thotë se nuk dëshiron t'i bëjë publik.<br /><br />Ai konfirmon për Report Tv se është ndjerë shumë i prekur nga çfarë i kanë treguar studentët në zyrë, duke treguar se në ato momente emocionale, ka menduar për vajzën e tij. Duket si një skandal i heshtur brenda mureve të Universitetit Bujqësor të Kamzës, por dekani Bahri Musabelliu, thotë se këtë situatë që ka shqetësuar të gjithë universitetin, e ka përcjellë edhe në Ministrinë e Arsimit.
