TIRANE-Sot do të zhvillohen zgjedhjet për kreun e ri të Komunitetit Mysliman të Shqipërisë. Dje u tërhoq nga gara papritur drejtuesi aktual Skënder Bruçaj (lexo këtu) ndërsa sot para votimit myftiu i Kukësit Islam Hoxha. Gjithashtu u skualifikua Gëzim Abdishaku pasi nuk plotësonte kriteret.<br /><br />Në garë janë tre kandidatë; Ylli Gurra, që është myfti i Tiranës, Bujar Spahiu, aktualisht nënkryetar i KMSH dhe Gramoz Blliku, myftiu i Lushnjës. Favoritë për të fituar garën shikohen Ylli Gurra ose Bujar Spahiu.<br /><br />Do të jenë 91 anëtarë të Këshillit të Përgjithshëm me votë të fshehtë që do të zgjedhin kryetarin me një mandat 5-vjeçar. Kryetarit duhet të marrë 2/3 e votave, (61 vota) nëse pjesëmarrja është 100%.<br /><br />Nëse në votimin e parë nuk arrihet kjo shumicë, në të njëjtën mbledhje bëhet një votim i dytë ndërmjet dy kandidatëve që kanë marrë numrin më të madh të votave. Në votimin e dytë, fiton kandidati që ka marrë 50+1 % të votave të pjesëmarrësve në mbledhje (pra, 46 vota).<br /><br />Në garë janë tre kandidatë:<br />Ylli Gurra -myftiu i Tiranës<br />Bujar Spahiu-nënkryetar i KMSH<br />Gramoz Blliku-myftiu i Lushnjës
