Komuniteti Mysliman i Shqipërisë ka zgjedhur kryetarin e ri, ndërsa procesi është shoqëruar me akuza të forta. Kryetari i ri është Bujar Spahiu, që deri tani ka mbajtur postin e nënkryetarit, ndërsa tashmë do të drejtojë KMSH-në në një mandat 5-vjeçar. Bujar Spahiu arriti që të siguronte fitoren që në raundin e parë, pasi mori 59 vota, ndërsa myftiu i Tiranës Ylli Gurra mori 26 vota dhe kandidati i tretë Gramoz Blliku, vetëm 2 vota.<br /><br />Pas zgjedhjes në detyrën e re, Spahiu tha se puna parësore do të jetë ruajtja dhe forcimi i harmonisë e dialogut ndërfetar në Shqipëri, ndërsa shtoi se Komuniteti Mysliman i Shqipërisë do të jetë në pararojë të luftës kundër çdo lloj ekstremizmi. Bujar Spahiu është drejtuesi i 10-të i Komunitetit Mysliman të Shqipërisë, ndërsa ka studiuar teologji në Egjipt.<br /><br />Ndërsa myftiu i Tiranës Ylli Gurra, që ishte njëri nga tre garuesit, por nuk arriti që të fitonte, akuzoi se zgjedhjet u morën peng nga Gylenistët dhe në krye të institucionit u vendos njeriu i tyre. Ai tha se nuk e njeh rezultatin e zgjedhjeve.<br /><br />Zgjedhjet në Komunitetin Mysliman të Shqipërisë rrodhën me disa të papritura, pasi dje Skënder Bruçaj u tërhoq duke mos pranuar që të rikandidojë për një mandat të dytë, ndërsa Gëzim Abdishaku dhe Islam Hoxha u skualifikuan. Të drejtën e votës për të zgjedhur kryetarin e ri e kishin 91 anëtarë të Këshillit të Përgjithshëm.<br /><br />Në garë ishin tre kandidatë:<br />Bujar Spahiu-nënkryetar i KMSH-59 vota<br />Ylli Gurra -myftiu i Tiranës-26 vota<br />Gramoz Blliku-myftiu i Lushnjës-2 vota
