Në zgjedhjet e sotme në Tuz ka pasur një pjesëmarrje mbi 62%. Nga koalicioni shqiptar ka optimizëm për fitimin e komunës, por pritet numërimi. Procesi ka pasur edhe incidente, probleme teknike në mëngjes, ndërsa në drekë është denoncuar nga shqiptarët përmes një videoje blerja e votave. Liridon Vulaj ka publikuar videon ku i është kërkuar që të votojë partinë PDS të kryeministrit malazez Milo Gjukanoviç kundrejt 50 eurove.<br /><br />Në video, një person pyet një shtetas të komunitetit rom nëse kanë bërë para në këto zgjedhje.<br /><br />Ai i përgjigjet po.<br /><br />Personi i videos insiston: Kush jua dha, personi që kaloi?<br /><br />-Po, më tha rrumbullako 1- përgjigjet ai.<br /><br />-Ju kanë mashtruar sepse nuk do të merrni para, i thotë personi që ka bërë videon.<br /><br />-Jo, i kam marrë, thotë shtetasi i komunitetit rom dhe hap pasaportën me 50 euro.<br /><br />"Kam votuar jo vetëm unë por gjithë familja" shton ai.
