#oranews<br /><br />Pas njoftimit të rezultateve paraprake të zgjedhjeve lokale në Tuz të Malit të Zi, partitë e koalicionit shqiptar shpallën fitoren.<br /><br />Nën një atmosferë shqiptare, me flamuj kuq e zi dhe këngë patriotike, krerët e partive shqiptare nuk e fshehën emocionin për këtë fitore historike.<br /><br />Nik Gjeloshaj: Nuk kemi shumë fjalë, të gjithë jemi të gëzuar dhe të emocionuar.<br /><br />Fadil Kajoshaj: Kjo nuk është fitorja e tri partive dhe Forumit Shqiptar, është fitorja e të gjithëve ju.<br /><br />"Festoni shqip edhe burrnisht, vetëm shqip në trojet tona përjetë".<br /><br />Mehmet Zenka: Emocionet janë shumë të mëdha sepse këtu nuk janë vetëm malësorët por të gjithë shqiptarët e Malit të Zi janë këtu.<br /><br />Një falenderim shkoi edhe për studentët që morën pjesë në sondazhet e kryera nga Forumi Shqiptar.<br /><br />"Në emër të Shoqatës Malësia e Madhe nga Detroiti ju urojmë nga zemra fitoren. Faleminderit të gjithë votuesve, vetëm së bashku ne fitojmë. Ne ruajmë bashkëjetesën e ruajmë vetëm kur fitojmë dhe kur jemi një, kur bëhemi së bashku dhe fitojmë së bashku".<br /><br />E gjithë atmosfera festive u përcoll nga këngëtari i njohur Nikollë Niprelaj, ku nuk mungoi dhe kënga përbashkuese "Jem Ilira, Jem Teuta".<br /><br />Koalicioni i tri partive politike shqiptare, fitoi 16 vende në Kuvendin lokal të Tuzit, i cili numëron 32 vende, ndërkaq pasojnë Partia Demokratike Socialiste e presidentit malazez, Milo Gjukanoviç me 10 vende, Partia Boshnjake me 4 vende dhe nga 1 vend Partia social Demokrate dhe Demokratët.<br /><br />Ky rezultat paraprak e detyron koalicionin e partive politike shqiptare që të bashkëqeverisë me ndonjë parti të spektrit politik malazez ose boshnjak.<br /><br />Vëzhguesit i vlerësuan zgjedhjet e së dielës në Tuz të Malësisë të qeta, pa incidente dhe demokratike.<br /><br />Zgjedhjet vendore për komunën e Tuzit, që u ndoqën nga afër edhe nga anëtari i Këshillit Bashkiak të Nju Jorkut, Mark Gjonaj, me përfaqësues të diasporës shqiptare nga Shtetet e Bashkuara, u konsideruan si shumë të rëndësishme për të ardhmen e shqiptarëve që janë komunitet shumicë në Malësi.<br /><br />Për më shumë lexoni në: <br />http://oranews.tv/article/shqip-ne-trojet-tona-perjete-koalicioni-shqiptar-ne-tuz-shpall-fitoren-e-zgjedhjeve<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
