?Policia e Shtetit e ka cilësuar protestën e opozitës si të paligjshme, por mbrëmjen e së hënës ka marrë masa për mbrojtjen e parlamentit. Pranë Sheshit të Kuvendit, ku është lajmëruar edhe protesta e së martës janë vendosur barriera metalike, që do të pengojnë hyrjen e protestuesve në parlament.?<br /><br />Më herët gjatë ditës së hënë, në ambientet përreth parlamentit u instaluan kamera me rezolucion të lartë, për të bërë të mundur identifikimin e personave që mund të shkaktojnë dhunë.<br /><br />Të martën e kaluar, protestuesit e opozitës u përplasën me policinë, teksa tentuan të futen në Kuvend dhe në disa raste sulmuan deputetë e ministra. Disa protestues u proceduan penalisht.<br /><br />Opozita ka paralajmëruar sërish protestë në të njëjtin shesh, por policia ka nuk dhënë leje. Palët janë përfshirë në replika nëpërmjet deklaratave, secila prej tyre duke përmendur ligjin.<br /><br />Opozita i referohet nenit 47 të Kushtetutës, i cili thotë se ?Liria e tubimeve paqësore dhe pa armë, si dhe e pjesëmarrjes në to është e garantuar. I njëjti nen, në piken 2 saktëson se ?Tubimet paqësore në sheshe dhe në vendet e kalimit publik bëhen sipas procedurave të parashikuara me ligj.?<br /><br />Dhe procedurat parashikohen në ligjin për tubimet, të cilit i referohet policia, konkretisht nenit 8 të tij.<br /><br />?Kur ka arsye të motivuar se zhvillimi i një tubimi në një shesh ose vendkalim publik përbën një rrezik real për sigurinë kombëtare, sigurinë publike, parandalimin e krimit, mbrojtjen e shëndetit ose të moralit ose mbrojtjen e lirive dhe të drejtave të të tjerëve dhe ky rrezik nuk mund të ndalohet me masa më pak shtrënguese, shefi i komisariatit të policisë mund të ndalojë zhvillimin e tubimit ose të vendosë për kohën dhe vendin e zhvillimit të tubimit?.<br /><br />Kjo është arsyeja që policia i kërkon opozitës që ta zhvendosë protestën në një zonë tjetër ku nuk cënohet rendi dhe siguria.<br /><br />Partia Demokratike thotë se në asnjë prej protestave të saj nuk është dëmtuar ndonjë polic. Por aktet e dhunës nuk munguan në të dy protestat e saj të fundit, atë para Kryeministrisë dhe atë para parlamentit, ku u hodhën shashka e sende të forta drejt uniformave blu dhe policia u përgjigj me gaz lotsjellës. Forca të shumta policie pritet të angazhohen edhe të martën për të garantuar sigurinë e parlamentit dhe deputetëve.<br /><br />Tv Klan
