#oranews<br />Tentativë grabitje apo dhunë ndaj të moshuarve për shkak të konflikteve të tjera. Policia e Durrësit ende nuk është në gjendje të thotë fjalën e fundit për ngjarjen e mbrëmjes së të hënës ku një çift të moshuarish mbërritën në spitalin e Durrësit me fraktura në kokë e pjesë të tjera të trupit. Ata u gjetën në gjendje të rënduar në banesën e tyre në lagjen 15 të Durrësit, por brenda saj nuk mungonte asgjë.<br /><br />Një tentativë grabitje e shkuar keq, apo dhunë ndaj dy të moshuarve si mesazh për konflikte të tjera?<br /><br />Ngjarja që ndodhi mbrëmjen e së hënës në Durrës, ku dy të moshuar pëfunduan në spital, mbetet e paqartë edhe për Policinë.<br /><br />Çifti i bashkëshortëve i dhunuar është dërguar në Tiranë, ndërkohë policia ka ngritur disa pista.<br /><br />Bajram dhe Thëllëze Ymeraj, u gjetën në banesën e tyre në Spitallë të Durrësit me fraktura në kokë e pjesë të ndryshme të trupit nga fqinjët që i dërguan në spital.<br /><br />Ngjarja u regjistrua rreth orës 20:00, kur persona të paidentifikuar sipas çiftit nga Pogradeci që prej vitesh banonte në Durrës, u futën në banesë dhe i dhunuan.<br /><br />Hetimet e para u bazuan tek një grabitje të dhunshme, por verifikimet e policisë në banesë treguan se aty nuk ishte marrë asgjë me vlerë.<br /><br />Përballë kësaj situate dhe faktit se bashkëshortët e moshuar veç dhunës, nuk tregojnë çfarë u kanë kërkuar autorët, policia ka ngritur dyshimin se ngjarja mund të lidhet me konflikte të tjera të familjes apo djemve të saj që jetojnë në Greqi.<br /><br />Por nuk përjashtohet as një konflikt ekstrem mes vetë bashkëshortëve që mund të ketë përfunduar në dhunë.<br /><br />?Krahas pistës së grabitjes kemi dyshime për konflikte për të cilat ata nuk duan të tregojnë? i tha Ora Neës një burim që po ndjek hetimin.<br /><br />Në këtë pistë, të dyshuar janë edhe të afërm apo fqinjë të çiftit të moshuar që jetonin të vetëm në periferi të Durrësit.<br /><br />Ndaj policia ka nisur të marrë në pyetje banorët e lagjes për të mësuar nëse kanë dijeni për konflikte të tjera të mundshme.<br /><br />Për më shumë lexoni në: <br />http://oranews.tv/article/grabitje-apo-konflikte-te-vjetra-nuk-dihet-cfare-i-ndodhi-ciftit-te-moshuar-ne-durres<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
