Ylli Shehu, Aurora Mara, Edmond Rushi dhe Enver Roshi janë deputetët më të rinj të parlamentit.<br /><br />Të 4 të dalë nga listat e Lëvizjes Socialiste për Integrim dhe që pranuan të zëvendësojnë deputetët që dogjën mandatet si vendimmarrje e opozitës së bashkuar, janë ulur në radhët e para ku deri 3 javë më pare qëndronin të ulur përfaqësuesit e PD.<br /><br />Ylli Shehu i vetmi mes të 4 që ka qenë deputet dhe një legjislaturë më parë si i zgjedhur nga PR dhe me pas ju bashkua grupit parlamentar të LSI, është dhe i vetmi që ka folur me gazetarët.<br /><br />Ai thotë se do përfaqësojë opozitën në sallën e parlamentit.<br /><br />"Normal që jemi në opozitë". <br /><br />Dhe në të parin votim si deputet ndryshe nga 3 kolegët e tjerë ai nuk ju bashkua shumicës për miratimin e projektligjeve qe ishin në rendin e ditës.<br /><br />Ndërkohe këtë të martë shembullin e Lefter Maliqit që ka pranuar të marrë mandatin e deputetit si kandidat i PD në qarkun e Beratit e kanë ndjekur dhe 5 kandidat të tjerë. Në KQZ dorëzuan formularin e dekriminalizimit hapi i parë drejt pranimi të mandatit ky, Ediola Braha nga lista e LSI në Gjirokastër, Elda Hoti nga lista e LSI në Lezhë, Edlira Hyseni e LSI në Durrës, si dhe dy kandidatë nga listat e PD Ligoraq Karamelo kandidat në qarkun e Korçës dhe Majlinda Halilaj në qarkun e Tiranës.<br /><br />Tv Klan
