Ndonëse u takua për më shumë se një orë me zv/ambasadoren e Shteteve të Bashkuara, Lejla Moses- Ones, Lulzim Basha nuk tërhiqet nga vendimi për të vijuar protestat.<br /><br />Preferoi të ishte hermetik lidhur me temën e takimit që pati me zv/ambasadoren amerikane, ndonëse ripërsëriti qëndrimin se nuk do të ketë dialog me Kryeministrin Rama.<br /><br />"Nuk komentoj as deklaratat dhe as bisedat përfshirë edhe atë të SHBA. Po të më pyesni për qëndrimin tim, s'ka hapa pas. Dialogu midis meje dhe z.Rama provoi të ishte i dëmshëm për interesat e Shqipërisë në mënyrën si u keqpërdor nga një njeri që hiqet si kryetar i Partisë Socialiste, por është reduktuar në një bashkëpunëtor të krimit të organizuar dhe të oligarkëve grabitqarë që dëmtojnë interesat e shqiptarëve, dëmtojnë dhe interesat e socialistëve, dëmtojnë dhe interesat e demokracisë".<br /><br />Takimi i zv/ambasadores amerikane me Lulzim Bashën është i pari që pas djegies së mandatave të deputetëve nga opozita dhe vjen pas protestës që opozita zhvilloi përpara Parlamentit, ku kreu i demokratëve ftoi shqiptarët që në 16 Mars t?i japin fund regjimit të Edi Ramës.<br /><br />Ambasada e Shteteve të Bashkuara në Tiranë përmes deklaratave të saj ka dënuar dhunën e ndodhur gjatë protestave të opozitës duke i bërë thirrje udhëheqësve politikë shqiptarë për të siguruar tubime paqësore.<br /><br />Tv Klan
