Të paktën 55 kandidatët të LSI-së dhe PD-së që presin të thirren nga KQZ për të marrë mandatin pas djegies kolektive të opozitarëve, nuk kanë pranuar të firmosin dorëheqjet paraprake sipas kërkesave të dy partive.<br /><br />Burime pranë KQZ-së, të kryqëzuara edhe me partitë politike, konfirmojnë se të pabindurit janë më shumë në selinë e Monika Kryemadhit.<br /><br />LSI në 2017 garoi me 146 kandidatë, 6 më shumë se sa vendet parlamentare. Deri më tani janë dorëhequr 17 deputetë, duke përjashtuar Lefter Kokën, si dhe kanë dorëzuar dorëheqjen paraprake në KQZ 87 kandidatë. Nga lista e LSI-së, ende nuk kanë firmosur dorëheqjen 42 kandidatë.<br /><br />Partitë e dinë se dorëheqja nuk ka vlerë ligjore në KQZ, por thonë se kjo është një betejë morale e kandidatëve. Ky moral duket se është shkelur të paktën në dy raste nga LSI: Ediola Braha dhe Elda Hoti kishin firmosur dorëheqjen, po më pas u penduan dhe kërkuan nga KQZ tu kalojë mandatin.<br /><br />Ndërsa PD në 2017 garoi me 194 kandidatë, 54 më shumë se sa vendet në parlament. Deputetë të dorëhequr janë 41, ku mungojnë Murrizi e Hajdari.<br /><br />Kandidatë të dorëhequr paraprakisht janë 140 dhe 13 prej tyre nuk kanë pranuar të firmosin dorëheqjen.
