Tortë me çokollatë dhe dardhë<br /><br />Përbërësit:<br />4 kokrra vezë<br />120 gr sheqer<br />180 gr gjalp<br />200 gr çokollatë fondente<br />Vanilje<br />300 gr miell<br />1 pako pluhur pjekës<br />2 lgj kakao<br />Pak kripë<br />3 dardha<br /><br />Përgatitja:<br />Fillimisht shkrijmë çokollatën në banjomari duke shtuar në të dhe 1 lgj gjalpë.<br />Ndajmë të verdhat e vezëve nga të bardhat. Në një tas rrahim të verdhat e vezëve me sheqerin derisa sheqeri të shkrijë. Shtojmë gjalpin pak nga pak duke vazhduar trazimin e vezëve. Më pas shtojmë çokollatën e shkrirë dhe vaniljen.<br />Trazojmë miellin me pluhurin pjekës dhe me kakaon dhe e shtojmë gradualisht tek vezët e rrahura me sheqer. Ndërkohë rrahim të bardhat e vezëve marengë dhe lugë-lugë e shtojmë tek brumi.<br />Qërojmë dardhat, i pastrojmë nga farat dhe i presim në feta. Në një tavë të lyer mirë me yndyrë dhe miell të pudrosur shtrojmë një shtresë me brumë, e nivelojmë mirë dhe vendosim fetat e dardhave në formë rrethore. I mbulojmë dardhat me pjesën tjetër të brumit duke vendosur përsëri feta me dardhë në formë rrethore me hapësira midis njëra- tjetrës. E vendosim ëmbëlsirën në furrë për tu pjekur në temperature 180 gradë Celsius për 35-40 minuta.
