Tortë me bajame të karamelizuara<br /><br />Përbërësit:<br />Baza e tortës:<br />200 ml krem pana( ëmbëlsire)<br />3 kokrra vezë<br />150 gr sheqer<br />220 gr miell<br />½ pako pluhur pjekës<br /><br />Shtresa e dytë:<br />150 gr gjalp ambienti<br />100 gr sheqer<br />3 vezë<br />Aromatik bajamesh<br />150 gr miell bajame<br />50 gr miell<br />50 gr bajame feta<br /><br />Përgatitja:<br />Në një tas vendosim 200 ml pana, 3 kokrra vezë, 150 gr sheqer dhe i trazojmë të gjitha këto me tel dore deri sa sheqeri të shkrijë. Përziejmë miellin me pluhurin pjekës dhe e shtojmë gradualisht në tas. Na formohet një brumë i plotë të cilin e vendosim në një tepsi të lyer me gjalp dhe pak mish. Më pas e vendosim në furrë në temperaturën 185ºC për 15 minuta. Gjatë kësaj kohe në një tas tjetër rrahim gjalpin me sheqerin deri sa sheqeri shkrin. Shtojmë vezët , aromatizuesin e bajameve, miellin dhe i përziejmë mirë. Nxjerrim tespin nga furra pasi të kenë kaluar 15 minuta dhe ajo të zverdhet pak e të ketë zënë kore.<br />Shpërndajmë mbi tespi komplet masën që kemi përzier në tasin e dytë dhe e nivelojmë mirë. E spërkatim me bajamet feta duke i ngjeshur pak në brumin e përgatitur me nivelin e bajameve. Vendosim përsëri tepsinë në furrë për 20 minuta të tjera në temperaturë 180ºC. Më pas e nxjerrim, e ftohim për 20 minuta dhe mund ta shërbejmë.
