Peshk me finok dhe speca të kuq<br /><br />Përgatitja:<br />2 lugë gjelle vaj ulliri<br />3 thelpinj hudhër<br />½ spec pikant<br />1 lugë gjelle kaperi<br />400 gr finok<br />1 spec i kuq<br />100 ml verë e bardhë<br />700 gr peshk<br />Kripë, piper, kopër<br />1 limon<br /><br />Përgatitja:<br />Në një tigan të thellë vendosim 2 lugë gjelle vaj ulliri dhe sa të ngriohet vaji do të hedhim në të gjysmën e specit pikant të pa prerë në copa, sa të aromatizojmë vajin. Në të njëjtën kohë shtojmë hudhrat e pagrira, kaperin e copëtuar për 1-2 minuta.<br />Pastrojmë finokun dhe e presim në feta vertikalisht. Menjëherë shtojmë finokun në tigan dhe e kaurdisim atë në temperaturë mesatare me qëllim që të mos na marrë ngjyrë, vetëm të ulë volumin e tij. Shtojmë kripë, specat e kuq dhe i shuajmë me verë të bardhë.<br />Ndërkohë peshkun e kemi pastruar dhe i bëjmë 4-5 prerje të holla në lëkurë (jo shumë të holla). Marinojmë peshkun me vaj ulliri( e lyejmë mirë peshkun) e pak kripë.<br />Në një tigan të ngrohtë në zjarr vendosim një letër pjekje. Mbi të vendosim peshkun e marinuar duke e lënë 5 minuta nga njëra anë. Më pas e kthejmë dhe e pjekim nga ana tjetër. Tek pjata që marinuam peshkun shtojmë 1 lugë e gjysëm lëng limoni dhe e trazojmë me vajin që ka mbetur në pjatë. Në momentin që peshku ka përfunduar pjekjen, e spërkatim me të për 1 minutë në tigan. Servirim në një pjatancë finokun dhe specat dhe mbi të vendosim një peshk të pjekur.
