Emisioni Repolitix mbrëmjen e sotme iu kushtua 8-Marsit, njohur ndryshe si Dita e Grave. Duke komentuar aktivitetin e kryeministrit Rama sot në Fier me gratë, ku ish-deputetja e LSI-së, Silva Caka e cilësoi si dhunë. "Dhunë e paparë, ky u tregon hajde këtu, ti kërce aty, ti atje....".<br /><br />Lëvizja Socialiste për Integrim është një nga partitë thuajse e vetme që drejtohet nga një grua në Shqipëri. Por çfarë mendon Caka, kur LSI-ja ishte mirë, kur drejtohej nga Meta, apo tashmë nga Kryemadhi?<br /><br />"Ka dallim, jo për faktin se dikush është burrë dhe grua. Por se njëri ka një tjetër strategji dhe tjetri një tjetër dhe ndoshta është dicka më mirë në menaxhim" tha ajo.<br /><br />Sjelljen e kryeministrit Rama sot në Fier nuk e komentoi aspak pozitivisht as Sevim Arbana, njëra nga aktivitetet për mbrojtjen e të drejtave të grave. "M'u duk si një tallje. Me batutat që nxjerr nuk duket serioz, sikur po vendos në lojë gratë. Nuk më duket mesazh dhe aktivitet i goditur.<br /><br />Në dy muaj janë vrarë tetë gra. Po shkojmë rrokopujë. Është një kryeministër viral, pasi mesazhet i jep në rrjetet sociale" tha ajo.
