Bashkia e Librazhdit ka bërë të mundur rikonstruksionin total të kopshtit në lagjen Semes në periferi të qytetit ku edukohen një numër i konsiderueshëm fëmijësh. <br /><br />Në hapjen e tij ishte dhe kryetari i Grupit Parlamentar Taulant Balla përgëzoi Kryetarin e Bashkisë së Librazhdit Z. Kastriot Gurra për punën e shkëlqyer në drejtimin e bashkisë për 4 vite:<br /><br />"Në krye të Bashkisë së Librazhdit kemi pasur një njeri shumë të përkushtuar, siç është Kastrioti, i cili ka ditur, si një kryefamiljar i mirë i një familje të madhe, t'i ndajë ku janë nevojat.<br /><br />Pas qendrës shëndetësore, kopshtit, pas sistemimit të qendrës së lagjes, pas sistemimit të ujit të pijshëm dhe kanalizimeve të ujërave të zeza, besoj që bashkia ka shlyer detyrimet e veta.<br /><br />Megjithatë, për të gjithë ne çështja më e rëndësishme mbetet ajo e punësimit ku kemi plot të rinj e të reja të cilët janë pa punë dhe beteja jonë me punësimin është një betejë të cilën duhet ta fitojmë së bashku" deklaroi Balla.<br /><br />Kryetari i Bashkisë, Kastriot Gurra po ashtu vuri theksin tek investimi në vijim, ai për ujin e pijshëm duke garantuar, jo vetëm furnizimin pa ndërprerje të kësaj lagjeje, por edhe cilësinë e ujit të pijshëm:<br /><br />"Semsa është një lagje e qytetit dhe gjatë këtyre viteve kemi investuar në qendrën shëndetësore, në kopshtin e fëmijëve, pasi godina ishte tërësisht e amortizuar. Jemi në përfundim të punimeve tashmë për riparimin e ujësjellësit të fshatit i cili pothuajse është bërë nga e para dhe besoj brenda muajit Mars të gjithë banorët e këtij fshati do të kenë ujë të një cilësie të lartë dhe me një rrjet shpërndarës të garantuar.<br /><br />Qartazi, dhe çdo ditë jemi pranë njerëzve për të garantuar sa më shumë shërbime për ta.", u shpreh Gurra.
