Si të shkëputim fëmijët nga smartfonët dhe ekrani i televizorit. Shqetësimit të shumë prindërve për një pasurim të kohës së lirë të fëmijëve i kanë dhënë zgjidhje shkollat që janë të hapura edhe pasdite për aktivitete te ndryshme sportive.<br /><br />Janë 40 shkolla në kryeqytet të cilat në bashkëpunim me bashkinë dhe shoqata kulturore sportive, kanë mundësuar përdorimin e palestrave.<br /><br />Një prej tyre është edhe shkolla 9-vjeçare e ?E kuqe?, e cila përdoret për sportin e basketbollit nga fëmijët 8 deri në 16 vjeç. Mateo dhe Alteo janë dy prej nxënësve, të cilët orët e pasdites i kalojnë duke mësuar basketbollin.<br /><br />Trajneri i këtyre nxënësve thotë se interesimi i prindërve për të përfshirë fëmijët në aktivitete sportive jashtë shkollore është rritur.<br /><br />Janë 270 shkolla në të gjithë vendin të shfrytëzohen për veprimtari sportive, artistike dhe sociale. Shoqëri private, kundrejt një pagese minimale që mund të arrijë deri në 2 mijë lekë në muaj për një fëmijë, ofrojnë aktivitete në fusha të ndryshme. Në këtë mënyrë fëmijët zbaviten, duke u shkëputur deri diku nga interneti që ndonjëherë megjithëse i mban fëmijët brenda krijon pasiguri për të miturit.<br /><br />Tv Klan
