Një familje në zonën e Petro Nini Luarasit kanë dalë ditën e sotme në rrugë duke bërë thirrje kundër shembjes së banesës së tyre. Familjarët janë shtrirë në tokë në shenjë proteste, duke bllokuar dhe kalimin për automjetet.<br /><br />Mësohet se njëra prej pjesëtareve të kësaj familjeje është shtatzënë në pritje të fëmijës së dytë.<br /><br />Ata pretendojnë se shtëpia e tyre është me dokumente të rregullta dhe shteti po përpiqet t'iua marrë në mënyrë të paligjshme.<br /><br />Kryefamiljari deklaron se punonjësit e Bashkisë janë shfaqur sot për të shembur shtëpinë e tyre pavarësisht se procesi gjyqësor nuk është mbyllur ende.<br /><br />Në vendngjarje kanë shkuar edhe forca të shumta të policisë, të cilët kanë shoqëruar në komisariat një nga djemtë e familjes.
