Një aksident rrugor ndodhi në qendër të qytetit të Korçës në zonën e quajtur Trekëndëshi. Një automjet përplasi një të moshuar me biçikletë, ngjarje e ndodhur rreth orës 09:45 në lagjen numër 3.<br /><br />Personi me inicialet E.J, duke drejtuar mjetin tip "Hyndai", ka aksidentuar A.A, 72 vjeç, banues në Korçë, i cili është dërguar në Spital për trajtim mjekësor. Raportohet se i moshuari ka marrë dëmtime të mëdha në kokë si pasojë e përplasjes nga makina.<br /><br />I moshuari është transportuar për në spital nga vetë drejtuesi i makinës, i cili e mori në automjet duke shpejtuar që 72-vjeçari të marrë ndihmën e parë.<br /><br />Tashmë drejtuesi i automjetit, ndodhet i shoqëruar në Komisariat, ndërsa policia ka nisur hetimet për zbardhjen e shkaqeve të aksidentit.
