Qumështor me peta<br />Përbërësit:<br />5-6 petë të njoma<br />1,4 litër qumësht<br />6 lgj sheqer<br />Sheqer vanilje<br />5 lgj miell<br />50 gr gjalp<br />6 kokrra vezë<br /><br />Brumi:<br />3 e ½ gotë miell<br />1 lugë vaj<br />Pak kripë<br />1 gotë ujë<br /><br />Përgatitja:<br />Vendosim tenxheren me qumësht të ftohtë e sheqer dhe e trazojmë deri sa sheqeri të shkrijë. Shtojmë sheqerin vanilje dhe miellin (mund ta hollojmë dhe pak veç,me qumësht të ftohtë nga tenxherja ). E përziejmë me qumështin dhe e trazojmë ngadalë deri sa kremi të lidhet dhe të marrë valë. E largojmë nga zjarri, e lëmë të bjerë pak vala dhe pasi i përziejmë vezët i shtojmë tek kremi.<br /><br />Lyejmë tepsinë me gjalp dhe vendosim petët një e nga një duke i spërkatur me pak gjalp ose duke lënë anët e petëve të varen në tepsi.<br /><br />Shpërndajmë kremin në të gjithë sipërfaqen e spërkatur me gjalp, kthejmë anët dhe komplet sipërfaqen e mesit e lëmë të zbuluar. Mund ti lyejmë me të bardhe veze dhe e vendosim në furrë në temperaturë 180ºC për 40-45 minuta.
