Kryeinspketorja e ish-Këshillit të Lartë të Drejtësisë, Marsida Xhaferllari, ka humbur statusin e magjistratit e për pasojë Komisioni i Vettingut nuk u shpreh me një vendim për shkarkimin apo konfirmimin e saj në detyrë.<br /><br />Xhaferllari u paraqit në ora 11:00 në sallën e vettingut për tu njohur me vendimin ndaj saj. Por në përfundim ajo u shpreh se do të presë vendimin e zbardhur për të kuptuar çdo të ndodhë me karrierën e ish-kryeinspektores e cila ka firmosur dosjet e vlerësimit profesional për 100 gjyqtarë.<br /><br />Marsida Xhaferllari, e cila ka nisur karrierën si gjyqtare e Fierit e më pas në administratën e Ministrisë së Drejtësisë dhe në fund në KLD ka aplikuar për tu bërë edhe kreu i Inspektorit të Lartë të Drejtësisë ose anëtare e Gjykatës Kushtetuese.<br /><br />Ajo çka mbetet për tu kuptuar tashmë nga vendimi i KPK-së, i cili është i pari i këtij lloji, është nëse do të ndikojë apo jo në karrierën e Xhaferrllarit e cila ka aplikuar për dy poste të rëndësishme.<br /><br />Më herët vettingu shkarkoi për probleme me pasurinë kreun e gjykatës së Tropojës Dritan Seci.<br /><br />Kjo e hënë kaloi në sitën e vetting edhe kryetaren e Gjykatës së Lezhës Orenela Naqellarin. Për Naqellarin KPK gjeti probleme në anën profesionale ndërsa pasuria dhe integriteti moral ishte në rregull.<br /><br />Sipas hetimeve të KPK-së rezultoi se Naqellari kishte deklarime të pasakta të adresave të banimit dhe probleme në dhënien e një dëshmie trashëgimie si dhe vërtetim e ndjekjes së praktikës në gjykatën e Lezhës për një oficer policie që nuk kishte qenë asnjëherë në gjykatë.<br /><br />Ajo kërkoi konfirmim në detyrë ndërsa vendimi për të do të shpallet më 18 mars pranë Komisionit të Pavarur të Kualifikimit.
