Alban Zeneli, Majlinda Halilaj, Edlira Hyseni, Ligoraq Karamelo, Ediola Braha, Elda Hoti dhe Lefter Maliqi janë 7 deputetët e rinj që iu shtuan radhëve të opozitës në parlament.<br /><br />Formulën e betimit Lefter Maliqi e shoqëroi me simbolin e demokratëve, edhe pse pas largimit nga Partia Demokratike dhe afrimit me socialistët në zgjedhjet e 2017, këta të fundit i besuan postin e nëndrejtorit të Përgjigjëm të Burgjeve, nga ku ju desh të hiqte dorë për t?u ulur në karrigen e Lulzim Bashës. Kreut të opozitës nuk ia kurseu akuzat, duke i kujtuar se me listat e kandidatëve për deputetë solli një tjetër krizë në Partinë Demokratike.<br /><br />?Kriza qëndron te lidershipi. Nën këtë lidership Partia Demokratike pësoi disfatën më të madhe.?<br /><br />Ndërsa Alban Zeneli , i cili në protestën e 5 Marsit ashtu si ish-deputetët demokratë kërkoi largimin e kryeministrit Rama tha se nuk kishte ndryshuar aspak qëndrim duke mohuar të ishte kontaktuar nga përfaqësues të Partisë Socialiste për të marrë mandatin.<br /><br />?Nuk kam ndryshuar qëndrim, por mendoj se nga parlamenti mund të ndikojë në rrëzimin e Edi Ramës.?<br /><br />Por deputetët e rinj të opozitës u mirëpritën nga socialistët në sallën e Parlamentit.<br /><br />Teksa në Kuvend kryhej rituali i betimit, jashtë sallës të rinj të forumit rinor demokrat ironizonin përmes fletushkave deputetët e opozitës së re.<br /><br />Më pas një dron në të cilin ishte lidhur një banderolë me mbishkrimin ?Parlamenti i krimit? fluturoi mbi godinën e Kuvendit.<br /><br />Opozita ndryshe nga herët e tjera nuk protestoi, por shashkat nuk munguan. Por policia iu kundërpërgjigj me ujë.<br /><br />Me betimin e deputetëve të rinj shkon në 11 numri i përfaqësuesve të opozitës në Kuvend, të cilët kanë marrë mandatin nga lista shumëemërore, ndërkohë që në pritje janë edhe Ralf Gjoni e Nimet Musai nga radhët e LSI-së, që kanë dorëzuar formularin e dekriminalizimit në KQZ. Sakaq tre deputetë, Myslim Murrizi dhe Rudina Hajdari nga PD e Lefter Koka i LSI-së nuk firmosën djegien e madateve.<br /><br />Tv Klan
