Ka zgjedhur t'i urojë Ditën e Verës shqiptarëve përmes humorit goditës. I veçantë edhe për ditën e Verës, - tha kryeministri nga qyteti që tradicionalisht kremton këtë festë, Elbasani.<br /><br />"Lala me 14, Luli me 16, Lali me 17", tha Rama duke uruar Gëzuar të gjithë shqiptarët. Ishte veshur mjaft sportiv, me tumane dhe me atlete.<br /><br />Me këtë frazë që ngjalli humor tek vetë kryeministri dhe gazetarët që i drejtuan mikrofonin për të marrë urimin e tij, Edi Rama i referohet:<br /><br />Me 14 mars, Ditës së Verës që kryebashkiaku i Elbasanit Qazim Sejdini, që njihet si "Lala", zgjodhi ta kremtojë sot.<br /><br />Me 16 mars, protestës që opozita e bashkuar do të mbajë para kryeministrisë kundër qeverisë<br /><br />Dhe me 17 mars, i referohet faktit që Bashkia e Tiranës i shtyu festimet e ditës së verës për të dielën, për shkak se moti nuk premtonte diell dhe shumica e aktiviteteve të organizuara janë në ambjente të hapura të kryeqytetit.
