FIER-Gjykata ka ndryshuar masën e sigurisë duke liruar nga burgu Pandeli Tolen, i cili akuzohet për pjesëmarrje të paligjshme në protestën e demokratëve në fundjavën e kaluar kundër kryeministrit Rama që ishte në këtë qark.<br /><br />Avokati ka kërkuar lirimin nga qelia dhe akuzat e ngritura nga prokurori Erind Reovica, ndërsa gjyqtari Piro Sota ka vendosur masën e sigurisë detyrim paraqitje.<br /><br />Kryetari degës së PD-së në Fier, Luan Baçi denoncoi dhe akuzoi dje policinë se e arrestoi Tolen për ti bërë presion që të pranojë mandatin e deputetit, pasi është pjesë e listës së PD-së<br /><br />Piro Sota është i njëjti gjyqtar që liroi nga burgu pak ditë më parë edhe punonjësin e bashkisë së Mallakastrës Pëllumb Isufaj 56-vjeç, që u akuzua për goditjen e efektivit të FNSH-së.
