Zërave për rritjen e ndikimit rus në Shqipëri, Presidenti Ilir Meta i ka komentuar duke "thumbuar" edhe kryeministrin Edi Rama, që më herët tha se ky ndikim në Shqipëri nuk është më sekret, pasi Rusia nuk është "tifoze" e zgjerimit të Bashkimit Evropian. Duke ju përgjigjur interesit të mediave, kreu i shtetit tha se shkaqet e krizës janë të brendshme dhe nuk duhen gjetur indikatorë të jashtëm.<br /><br />?Ne jemi të ndërgjegjshëm për ndikimet shpesh toksike për fat të keq të Rusisë në rajonin tonë, por nuk besoj se ky është një problem në rastin e Shqipërisë. Ne do të donim që Rusia të respektojë zgjedhjen e të gjithë popujve të rajonit për t?u integruar në Bashkimin Europian dhe në NATO, por është e drejta e saj të reagojë ndryshe. Gjithsesi, nuk duhet ta katandisim rrezikun rus si rrezikun anglo-amerikan në periudhën e të kaluarës për të fshehur shkaqet e vërteta të kësaj krize kushtetuese, politike, morale përfaqësimi, të cilat janë të krijuara nga ne dhe kërkojnë reflektim nga të gjithë?, - tha ai.<br /><br />Më herët, kreu i Shërbimit Informativ Shtetëror Helidon Bendo, u shpreh i shqetësuar në një mbledhje me anëtarët e Komisionit të Sigurisë në Kuvendi, për përpjekjet që po bëhen sipas tij për të rritur influencën ruse në Shqipëri.<br /><br />Ndërkohë edhe kryeministri Edi Rama, gjatë një konference për mediat me kryeministrin e Maqedonisë së Veriut Zoran Zaev, tha:<br /><br />"Rusia nuk është vend tifoz i BE-së i zgjerimit të BE-së dhe natyrshëm s'mund të ketë tifozëllik për ecurinë evropiane për asnjë prej vendeve të Ballkanit Perëndimor, kjo nuk është sekret, kjo dihet, ndërkohë që ne kemi një axhendë kombëtare, kryefjalë e së cilës është të bashkohemi në familjen evropiane. Sa herë që kjo axhendë cënohet, aq herë kush nuk është tifoz i Evropës, i BE-së, i integrimit të plotë të Shqipërisë dhe Ballkanit perëndimor, pa diskutim që sheh një oportunitet".
