Kulaç me ullinj<br /><br />Përbërësit:<br />2 vezë<br />1 gotë kos<br />2 fk vaj<br />2 gota e gjysmë miell<br />1 pako pluhur pjekës<br />Kripë+ pak rigon<br />1 fç ullinj<br />100 gr djath<br />Susam<br /><br />Përgatitja:<br />Në një tas rrahim vezët me kos e vaj dhe i përziejmë mirë njëra pas tjetrës në një interval kohe 2-3 minuta. Shtojmë miell, pluhur pjekës dhe vazhdojmë përzierjen duke shtuar edhe pak kripë e pak rigon.<br />Heqim bërthamamt e ullinjve dhe i presim ata në gjysma vertikalisht, në pas i shtojmë së bashku me djathin. Lyejmë tavën me pak yndyrë e peksimadhe. Shtojmë brumin e spërkatur me susam dhe e vendosim në furrë në temperaturën 200ºc për 30 minuta.<br /><br /><br />Mëlçi pule me presh<br /><br />Përbërësit<br />400 gr mëlçi pule<br />300 gr presh<br />100 ml verë të bardhë<br />200 ml lëng pule<br />1 qepë e vogël<br />40 gr gjalp<br />2 lgj vaj ulliri<br />Kripë dhe piper i zi<br />Makarona sipas dëshirës<br /><br />Përgatitja:<br />Fillimisht pastrojmë mëlçitë, i thajmë ato dhe i presim në copa të vogla. Preshët (kryesisht pjesën pa bishta) i presim në unaza të holla.<br />Në një tigan shkrijmë 1/3 e gjalpit, 1 lugë gjelle vaj ulliri dhe kaurdisim preshët deri sa ato të zbuten plotësisht. Herë pas here i zbutim me pak lëng pule dhe duke i mbuluar me kapak. Rregullojmë shijen me pak kripë.<br />Në një tigan tjetër shtojmë gjysmën e gjalpit të mbetur, 1 lugë gjelle vaj ulliri dhe kaurdisim qepën e vogël të grirë shumë hollë. Sapo qepa të bëhet transparente shtojmë mëlçitë e pulës dhe i kaurdisim së bashku deri san ë tigan të mos ketë më lëng. Shtojmë edhe kripë e piper. I shuajmë me verë të bardhë dhe e lëmë deri sa ajo të avullojë plotësisht. Bashkojmë mëlçitë me preshin e gatuar dhe i trazojmë lehtë së bashku. Vendosim tiganin ku skuqëm mëlçitë në nxehtësi. Hedhim pak lëng pule, 1-3 e lëngut të mbetur dhe e lëmë të marrë valë. Salcën e shtojmë mbi mëlçitë me presh dhe i shërbejmë me bukë të thekur ose me pak makarona nën të.
