I thirrur për të dëshmuar këtë të enjte në Prokurori mbi hetimin që po kryhet për kontratat e lobimit të Partisë Demokratike në Shtetet e Bashkuara të Amerikës, kryetari i kësaj partie Lulzim Basha nuk është paraqitur.<br /><br />Me anë të një letre ai i shpjegon drejteuses së kësaj prokurorie Elisabeta Imeraj dhe prokurorit të çështjes arsye e mosparaqitjes së tij. Lulzim Basha thotë në përgjigjen e tij drejtuar Prokruroisë së është i habitur me kërkesën që ai të dëshmojë, duke sqaruar se thirrja e tij është e pabazuar në ligj dhe e pambështetur në asnjë standard profesional.<br /><br />"As unë, asnjë drejtues tjetër i Partisë Demorkatike dhe as Partia Demokratike nuk janë marrë nën hetim dhe nuk janë të pandehur në asnjë hetim, prandaj as unë dhe as një drejtues tjetër i Partisë Demokratike nuk ka nevojë dhe ju nuk keni asnjë detyrim ta na informoni për asnjë të dhënë që mund të jeni duke mbledhur në kuadër të verifikimeve tuaja".<br /><br />Numri një i demokratëve rendit disa fakte të cilat sipas tij tregojnë që Prokuroria po përdoret politikisht në këtë rast.<br /><br />"Fakti që një ftesë e tillë vjen gjashtë muaj pasi ju e keni marrë informacionin në fjalë dhe në një kohë kur ka filluar një fushatë keqinformimi me natyrën dhe ecurinë e hetimit në fjalë, na bën të mendojmë se veprimi juaj është bërë jo për qëllime hetimore, por për shërbime propagandistike politike".<br /><br />Në Prokurorinë e Tiranës ka mbërritur një pjesë e lëtërporosive nga SHBA për këtë hetim. Në informacionin e përkthyer, tashmë ka dyshime mbi origjinën e 600 mijë Dollareve të cilat janë përdorur për lobimin e PD në Amerikë pranverën e 2017. Këto para vijnë na kompania 'Biniata Trade', e cila është në pronësi të dy shtetasve rusë.<br /><br />Tv Klan
