Feronikeli është shpallur kampion i Superligës së Kosovës për edicionin 2018/2019.<br /><br />Skuadra e Zekirija Ramadanit arriti që në “Rexhep Rexhepi” ta mposhtë FC Prishtinën në ndeshjen e fundit dhe ta fitojë titullin e tretë në histori.<br /><br />Në ndeshjen që u zhvillua në Drenas, Feronikeli fitoi me golin e vetëm të shënuar nga Yll Hoxha në pjesën e dytë, në minutën e 73’.<br /><br />Në ceremoninë e ndarjes së çmimeve kishte një ndryshim të vogël. Vitin e kaluar medaljen dhe trofeun e kishte ndarë kryeministri i vendit, këtë edicion e bëri Hashim Thaçi, president i vendit.<br /><br />Ai nuk e la pa e dekoruar edhe mikun e tij, kryetarin e Drenasit, Ramiz Lladrovci me një medalje, natyrisht me kërkesë të këtij të fundit.
