Frikase me mish qingji<br /><br />Përbërësit:<br /><br />500 gr mish qingji<br />2 lgj gjalp<br />3 qepë të njoma<br />2 karrota<br />2-3 patate<br />1 degë selino<br />2 lgj miell<br />2 gota qumësht<br />2 të verdha veze<br />1 limon<br />kripë dhe piper i zi<br />1 tufë kopër<br /><br />Përgatitja:<br /><br />Vendosim pak gjalp në tenxhere dhe kaurdisim mishin të prerë në racione deri sat ë ndryshojë ngjyrë. Shtojmë në tenxhere ujë të nxehtë deri sat ë mbulohet mishi dhe 4-56 kokrra piper të zi e kripë dhe më pas e lëmë të ziejë në temperaturë mesatare. Pasi të kalojnë 30 minuta që mishi është duke u zier ( pra nuk është zier plotësisht) shtojmë perimet, qepën e prerë në unaza ( vetëm pjesën e bardhë të saj) karrotën dhe patatet të prera në kubikë. Shtojmë edhe selinonë e prerë në copëza si dhe 2 degë kopër të grirë hollë.<br />Vendosim kapakun dhe e lëmë mishin e perimet të ziejnë për 15 minuta, në mënyrë që të ziejnë plotësisht.<br />Në një tenxhere tjetër shkrijmë gjalpin e mbetur, kaurdisim miellin me gjalp deri sa ai të mos marrë ngjyrë dhe e shuajmë me qumësht duke shtuar gradualisht edhe lëng mishi. E përziejmë mirë së bashku me mishin dhe pasi të marrë valë për 2-3 minuta e largojmë nga zjarri.<br />Rrahim 2 të verdha veze, lëng limoni dhe e presim frikasenë. Shrojmë kopër e përziejmë dhe vendosim kapakun në mënyrë që frikaseja të mpikset por nuk e vëmë më në zjarr për të valuar.
