#rtvora <br />Tallje me vetveten e quan Oerd Bylykbashi përpjekjen e mazhorancës për të miratuar reformën zgjedhore me votat e opozitës së re. Ish-bashkëkryetari i Komisionit të reformës zgjedhore, thotë se një ndërhyrje e tillë vetëm 3 muaj para zgjedhjeve do të ishte kaotike, ndërsa sipas tij do të minonte besueshmërinë e proceseve zgjedhore dhe do kthente pas në kohë standardet.<br /><br />Përpjekjet e mazhorancës për të mirtuar reformën zgjedhore me votat e deputetëve të rinj të opozitës, e shqetëson Partinë Demokratike.<br /><br />Oerd Bylykbashi, i angazhuar në vazhdimësi për ligjin zgjedhor, thotë se një ndërhyrje e tillë minon procesin zgjedhor, ndërsa thotë se nuk mund të ketë reformë pa konsensus.<br /><br />Në mungesë të opozitës që tashmë është jashtë parlamentit, Rama, paralajmëroi se do ta kalojë reformën zgjedhore me opozitën e re, por Bylykbashi thotë se kjo nuk është asgjë tjetër përveçse tallje me vetëveten.<br /><br />Bylykbashi: Thirrja e zotit Rama është sa qesharake aq edhe shqetësuese për të kuptuar se ku po degradon koncepti i zotit Rama për qeverisjen. Është e gjithëpranuar se kodi zgjedhor nuk mund të ndryshohet përtej një afati të caktuar përpara datës së zgjedhjeve dhe ky afat ka kaluar prej kohësh. <br /><br />Ndryshimet në këtë fazë do të çonin në një kaos procesin zgjedhor dhe më pas çdo paudhësi nga ato që planifikon Rama si shitblerja e votës, kontrolli i votës nëpërmjet administratës publike, presionit etj do të fshihej pas disa parregullësive të një natyre teknike sepse ligji ndryshoi shumë vonë. Në çdo rast do të ishte një ndryshim i papranueshëm politikisht, do të hidhte në erë çdo lloj besimi në procesin zgjedhor ndryshimi i kodit në mënyrë të njëanshme.<br /><br />Ish-bashkryetari i reformës zgjedhore ka një përgjigje për ndërkombëtarët kritik me qëndrimin e Partisë Demokratike, duke iu përmendur atyre problemet e evidentuara në raportin e OSBE-ODIHR.<br /><br />Bylykbashi: Në këtë bibël, raporti i ODIHR është ai që përcakton se kush janë problemet e zgjedhjeve. Problemi i zgjedhjeve është shitblerja e votës, rekomandimi numër dy, prioritar. Por problem më i rëndë, më i madh dhe i shtrirë është ai që vë në pah më pas shitblerjen e votës, është kontrolli dhe kapja masive e votës nëpërmjet kontrollit të shtetit.<br /><br />Partia Demokratike ka lënë të kuptohet se nuk do të marrë pjesë në zgjedhjet vendore, nëqoftëse nuk arrihet objektivi për qeveri tranzitore.<br /><br />Për këtë qëllim hapi i parë është hedhur pasi opozita në tejkalim të afatit nuk ka dërguar edhe anëtarët për KZAZ-të në Komisionin Qëndror të Zgjedhjeve.<br />Për më shumë lexoni në: <br />http://oranews.tv/article/kod-zgjedhor-me-opoziten-e-re-bylykbashi-i-pergjigjet-rames-hedh-ne-ere-cdo-besim-zgjedhjet<br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br />Subscribe To "Ora News" on YouTube Channel for TV Shows HERE http://bit.ly/2sPcqj3<br />For more content from click HERE www.oranews.tv<br />Like Ora News on Facebook HERE http://bit.ly/2RkUN4s<br />Follow Ora News on Instagram Here http://bit.ly/2HBuiI...
