Drejtuesi i një kamioni është arrestuar në Portin e Durrësit teksa po transportonte heroinë nga Shqipëria drejt Italisë. Lënda narkotike u zbulua e fshehur në trupin tij, i cili do të udhëtonte nga Porti i Durrësit.<br /><br />Droga ishte paketuar në disa qese të cilat të cilat kapin peshën e 2 kg e 160 gr. Lënda narkotike u zbulua gjatë kontrollit të detajuar në vijën e dytë të portit.<br /><br />Drejtuesi i kamionit, një person me iniciale E.D u vu në pranga, ndërsa dy persona të tjerë u shoqëruan në komisariatin e Durrësit për tu marrë në pyetje. Ata dyshohet se kanë dijeni për këtë rast të trafikut.<br /><br />Uniformat blu po ushtrojnë kontrolle të hollësishme në kamionin që do të nisej drejt Italisë. Në operacion u përfshinë forca të Policisë Kufitare dhe Antidrogës, ndërsa pritet te angazhohet edhe Prokuroria e Krimeve të Rënda për thellimin e hetimeve.<br /><br />Tv Klan
