Tartë me sfoliatë dhe perime<br /><br />Përbërja:<br />1 petë sfoliatë<br />½ qepë<br />1 karrotë<br />1 spec i verdhë<br />1 spec i kuq<br />1-2 kunguj të njomë<br />150 gr krem kosi<br />2 kokrra vezë<br />Kripë dhe piper i zi<br />20 gr parmixhan<br />2 lgj vaj ulliri<br /><br />Përgatitja:<br />Të gjitha perimet i presim në kubikë të vegjël. Vendosim 2 lugë gjelle vaj ulliri dhe kaurdisim qepën deri sa të zbutet. Shtojmë karrotën, kungujt e specat dhe i kaurdisim deri sa ato të ulin pak volumin (por jo të gatuhen plotësisht). I largojmë mënjanë në një tas. Hapim petën në një tepsi ku kemi shtruar më parë letër pjekje. Shpojmë petën me pirun në disa vende. Në një tas rrahim 2 kokrra vezë. Shtojmë në të kremin e kosit dhe parmixhanën e grirë hollë. Shtojmë perimet në tepsinë ku kemi vendosur petën sfoliatë dhe mbi to hedhim salcën e përgatitur. Kthejmë anët dhe e vendosim tartën në furrë në temperaturë 200ºC për 30-35 minuta.
