Depueti i Partisë Socialiste, Pjerin Ndreu ishte ditën e sotme në studion e 45 Minuta me gazetarin Denis Minga, për të folur për vettingun në polici. Ndreu e konsideroi këtë një domosdoshmëri për garancinë e shërbimit të sigurisë në vend.<br /><br />"Vettingu në polici është domosdoshmëri sepse policia ështtë e para që bie në kontakt me njerëzit që shkelin ligjet. Policia e shtetit krye shumë veprime që në marrjen në dijeni të ngjarjes, kqëryrja e vendngajrjes dhe mbledhja e provave", u shprej Ndreu.<br /><br />Pjerin Ndreu u ndal edhe tek reforma në drejtësi teksa tha se askush nuk është imun dhe të gjithë do japin llogari për veprimtarinë e tyre. Ndreu tha se fakti që janë deputetë nuk i krijon imunitet përpara kësaj reforme, përkundrazi ata vazhdojnë të jenë objekt i SPAK pasi mbajn poste zyrtare.<br /><br />''Nuk ka asnjë mburojë ndaj reformës në drejtësi. Mandati nuk të bën imun ndaj SPAK. Përkundrazi ne jemi objekt të SPAK si zyrtarë.<br /><br />Ne kemi bërë një pakt në PS që do t'i hapim rrugë çdo ligji që vjen për reformën në drejtësi. Këtu duhet të ndahet e bardha nga e zeza.<br /><br />Edhe ne do paguajmë kosto. Nga reforma në drejtësi nuk ka favor asnjë parti politike. Sado t'i shesim mend njerëzve, sharpi nga sheqeri do varet vetëm nga reforma në drejtësi.<br /><br />Ne do shkojmë si nuse para SPAK për të dhënë llogari për çdo gjë që kemi bërë", tha Ndreu.
