Pulë me miell misri<br /><br />Përbërësit:<br />1 kg mish pule<br />2 qepë mesatare<br />4 thelpinj hudhër<br />100 gr miell misri<br />2 vezë<br />1 lç piper i kuq<br />Kripë dhe piper i zi<br />4 lgj vaj ulliri<br />2 karrota, spec pikant (sipas dëshirës )<br />Majdanoz<br /><br />Përgatitja:<br />Lajmë thajmë mishin e pulës. Ngrohim vajin në një tenxhere dhe kaurdisim mishin e pulës derisa të ndryshojë ngjyrë. E Largojmë mishin dhe në po atë yndyrë kaurdisim qepën sa të thahet pak, më pas shtojmë hudhrat të prera imët, vendosim karrotat të prera në kubikë i kaurdisim për 1 minutë dhe më pas shtojmë dhe mishin në tenxhere, pak spec djegës, kripë, piper të zi dhe piper të kuq. Hedhim ujë të nxehtë derisa të mbulohet mishi dhe e lemë të ziejë në temperaturë mesatare për 20-25 minuta.<br /><br />Në një tigan të ngrohtë në temperaturë të ulët ngrohim pak miellin e misrit, shtojmë në të vezën dhe e përziejmë me dorë duke realizuar një miell misri të thërrmuar në grimca të vogla. Kur temperatura e tiganit të jetë sa e duron dora shtojmë miellin e misrit tek lëngu i mishit që po zjen. E lemë gatimin të ziejë për 10 mnuta derisa lëngu të trashet dhe copëzat e miellit të jenë të dukshme. Shtojmë në fund pak majdanoz të grirë imët dhe e shërbejme sipas dëshirës pudrosur me pak piper të zi.
