Propozimi i shumicës për të zgjatur mandatin e Komisionit të Posaçëm të Reformës Zgjedhore dhe për t?i dhënë mundësi demokratëve që në rolin e vëzhguesit të mund të propozojnë amendime në Kodin Zgjedhor është kundërshtuar nga deputetët e rinj të opozitës në parlament.<br /><br />Ata që shohin këtë si pjesë të marrëveshje të fshehte të dy partive të mëdha dhe bëjnë të qartë se nuk do të bashkojnë votat me socialistët. I vetmi shans që ky të ndodhi thonë se mund të jetë ndryshimi i sistemit zgjedhor.<br /><br />Por kryeministri i ?qetëson? dhe thotë se kjo është një mundësi që u jepet demokratëve për të qenë pjesë e Reformës Zgjedhore, duke përjashtuar çdo marrëveshje të fshehte apo të ndërmjetësuar nga të huajt.<br /><br />Si kryeministri, ashtu edhe deputetët e rinj, i dhanë përgjigje edhe deklaratës së presidentit të Republikës, që i quajti ata jo-legjitime. Socialistët thonë se janë gati të depolitizojnë administratën zgjedhore, madje Bashkim Fino shkon dhe përtej asaj çka premton kryeministri dhe kërkon që kjo të bëhet fakt që në zgjedhjet e 30 Qershorit.<br /><br />Kryetari i KQZ që prezantoi raportin vjetor në parlament foli për vështirësitë që do të kenë këto zgjedhje për shkak të situatës politike dhe i kujtoi politikës që duhet të jetë një garë e vërtetë ku qytetarët të kenë alternativa.<br /><br />Në seancën e kësaj të mërkure bëri betimin dhe deputetja e qarkut të Shkodrës Ambra Borova që do të zëvendësojë Agron Çelën që për rastësi është dhe xhaxhai i bashkëshortit të saj.<br /><br />Parlamenti po ashtu mbajti edhe një minutë heshtje për viktimat e 2 Prillit, me propozim të deputetes Hajdari.<br /><br />Tv Klan