Gjykata e Apelit në Shkodër ka ndryshuar masën e sigurisë për 6 nga 12 të arrestuarit për fajdet. Byrhan Alija, Edi Memcaj, Artan Dragani, Lul Sylja, Pashko Vuksanlekaj dhe ish-drejtori i Patentave në Shkodër, Ilir Sokoli do të qëndrojnë në burg, ndërsa Adri Bala, Marjan Bregu, Vinko Nikprelaj, Eduard Fusha, Elidon Qerimaj dhe Naim Ahmetaj do të hetohen në masën e sigurisë detyrim paraqitje. Skema u denoncua nga ish-prefekti i Shkodrës, Paulin Radovani, i cili është në masën e sigurisë ?detyrim paraqitje?. Radovani e apeloi, por kërkesa për heqjen e kësaj mase u rrëzua. Gjykata deklaroi sot se pretendimet e Radovanit janë të pabazuara në prova dhe se cështja është ende në hetim. Dy djemtë e tij, Elton dhe Robert Radovani, u vunë në hetim me akuzën për mashtrim, pasi grupi i të arrestuarve për skemën e fajdeve, pretendojnë se kjo histori eshte e sajuar nga Paulin Radovani. Ish-prefekti Radovani ishte personi që bëri një denoncim ndaj 22 personave për një skemë fajdesh me përqindje të larta.<br /><br />Në datë 14 mars, Policia dhe Prokuroria zbuluan një skemë fajdesh në Shkodër (lexo këtu). 23% ishte interesi në javë, nëse nuk ktheheshin lekët grupi i merrte prona dhe makina dhe i kalonin në emër të tyre. Të përfshirë rezultuan ish-kancelarë gjykate, noterë, policë dhe një ish-drejtues i LSI-së tek Patentat në Shkodër. Ilir Sokoli u kap në tentativë për t'u arratisur, në Morinë. Në total u arrestuan 12 persona, ndërsa 4 janë në kërkim dhe 3 të pezulluar nga detyra. Gjatë operacionit u sekuestruan makina, prona, armë dhe rreth 500 mijë euro, ndërkohë që u pezullua një polic, noterja dhe një drejtor në bashkine e Shkodrës. Në rast se nuk paguheshin lekët e dhëna, anëtarët e grupi i merrnin borxhlinjve prona dhe pasuri duke i kaluar në emër të tyre. 12 anëtarë të grupit të skemës së fajdeve u arrestuan (sot u liruan 6) dhe tre të tjerë janë në kërkim. Sipas ish-prefektit, autorët kishin dhënë para me fajde ndaj dy djemve te tij dhe disa të tjerë kane luajtur rolin e garantit duke marra para për llogari të dy djemve të Radovani. Dy djemtë janë larguar nga Shqipëria dhe nuk dihet se ku ndodhen momentalisht. Report Tv zbardhi dje dëshmitë e të gjithë personave që u arrestuan dhe po hetohet për këtë dosje (lexo ketu të plotë).<br /><br />Vendimi i Gjykatës së Apelit<br />Byrhan Alija 61-vjec nga Shkodra-Arrest me burg<br />Edi Memcaj 33-vjec nga Shkodra-Arrest me burg<br />Artan Dragani 39-vjec nga Shkodra-Arrest me burg<br />Lul Sylja 48-vjec nga Shkodra- Arrest me burg me afat 60 dite<br />Ilir Sokoli (ish-drejtori i Patentave) Shkodër-Arrest me burg<br />Pashko Vuksanlekaj 54-vjec nga Shkodra-Arrest me burg<br />Adri Bala 22-vjec nga Shkodra-Detyrim paraqitje<br />Marjan Bregu 31-vjec nga Shkodra-Detyrim paraqitje<br />Vinko Nikprelaj 37-vjec nga Shkodra-Detyrim paraqitje<br />Eduard Fusha 38-vjec nga Shkodra-Detyrim paraqitje<br />Elidon Qerimaj 41-vjec nga Shkodra-Detyrim paraqitje<br />Naim Ahmetaj 52-vjec nga Puka- Detyrim paraqitje
