Policia e Shtetit është përfshirë nga një valë ndryshimesh ditët e fundit. Me urdhër të Drejtorit të Përgjithshëm të Policisë, Ardi Veliu janë shkarkuar më shumë se 20 shefa komisariatesh në rang vendi.<br /><br />Sipas burimeve, Veliu ka emëruar shefa të rinj, në komisariatin e Shkodrës, Fierit, Peqinit, Mirditës, Elbasanit, Beratit dhe Lushnjës, por edhe në disa zona të tjera. Më herët kanë pësuar ndryshime edhe disa drejtori. Pak ditë më parë u shkarkua drejtori i policisë së Shkodrës Vehbi Bushati dhe vendin e tij e zuri Niko Brahimi.<br /><br />Bushati u largua nga detyra menjëherë pas vrasjes në një atentat mafioz në Shkodër të 2 vëllezërve Bilali. Kjo bëri që vetë ministri Lleshaj të vizitojë Shkodrën 3 herë brenda pak ditësh. Valës së ndryshimeve nuk i kanë shpëtuar dhe disa drejtori të rëndësishme në shkallë vendi si ato të Vlorës, Fierit, Beratit dhe Durrësit.<br /><br />Pas komandimit në krye të Policisë së Tiranës të Rebani Jaupit, ndryshime do të këtë edhe në disa komisariate të kryeqytet. Burime nga policia e shtetit bëjnë me dije se, ditën e hënë pritet të zyrtarizohen edhe drejtuesit e rinj. Këto lëvizje synojnë të përmirësojnë më tej punën e strukturave vendore të Policisë, pas disa ngjarje kriminaleve që kanë ndodhur përgjatë këtij viti.<br /><br />Tv Klan
