Protesta e fundit para një prove të përgjithshme të protestave kundër Presidentit serb, Aleksandar Vuçiç. Opozita serbe ka paralajmëruar se do të përshkallëzojë protestat e saj pasi kanë kaluar katër muaj qetësie. Protestuesit u mblodhën para qeverisë së Serbisë për të shprehur pakënaqësinë e tyre në paralajmërim se do të shkonin deri tek televizioni privat ?Pink?, për të cilin konsiderojnë se mbështetë Presidentin. Por kjo nuk ndodhi pasi ishte paralajmërim vetëm si shaka.<br /><br />?Ne nuk duam të kemi incidente dhe dhunë. Ne nuk jemi kundër popullit tonë, por përfundimisht jemi këtu për liri?, tha aktori dhe aktivisti Branisllav Lleçiç.<br /><br />Protestuesit u nisën drejt qendrës së qytetit, të cilën qeverisja e ka mbyllur për të renovuar gjithë sheshin, aty ku dikur niste protesta e opozitës. Ata thanë se politika e Vuçiç nuk do të kalojë dhe rrugës në krye të kolonës dolën liderët e opozitës. Rrethojat e sigurisë i morën me vete dhe u nisën për të rrethuar Bashkinë e Beogradit.<br /><br />Në oborrin e institucioneve, jo larg zyrave të Vuçiç, i çuan porosinë së është i mbaruar dhe se më mirë e ka të ikën vet. Ata i thanë se do të kthehen të shtunën tjetër kur e tërë Serbia do të jetë në Beograd.<br /><br />?Ne kemi vetëm një porosi për Presidentin që nuk mund të na bëj asgjë?, tha Nikolla Jovanoviç nga Lidhja për Serbinë.<br /><br />Protestat në Serbi kanë kthyer vëmendjen e opinionit tek përplasjet politike. E vetmja gjë që pritet është nëse serbët do të shkojnë në zgjedhje të jashtëzakonshme apo jo.<br /><br />Tv Klan
