#rtvora <br />Sekretari i përgjithshëm i LSI, Endrit Brahimllari denoncoi terrorin, sipas tij, që policia po ushtron mbi banorët e Gregut të Lumit.<br /><br />Në një deklaratë për mediat, Brahimllari tha se policia ka hyrë në banesa që në orët e para të mëngjesit të së martës dhe ka hedhur gaz lotsjellës brenda banesave, duke nxjerrë me dhunë gra, fëmijë e të moshuar.<br /><br />Ai tha se ndaj banorëve po ushtrohet dhunë dhe presion, ndërsa i janë sekuestruar edhe celularët.<br /><br />Endrit Brahimllari: "Jemi njoftuar në orën 5:30 nga banorët e Bulevardit të Ri që po bëhej nga policia politike e Edi Ramës, për të shembur shtëpitë e banorëve. Është ushtruar terror dhe presion policor nga përfundimi i aksionit të ditës së djeshme, për gjithë natën dhe sot në mëngjes forcat e policisë dhe të ndërhyrjes së shpejtë të pajisur me gaz lotsjellës, me skafandra policie, me shkopa gome, me gjithë armatimin e nevojshëm të denjë për një luftim ushtarak kanë rrethuar zonën, janë futur me dhunë. <br /><br />Kanë hedhur gaz lotsjellës brenda në banesa ku ka pasur fëmijë të vegjël, gra dhe të moshuar që janë në spitalin ushtarak me probleme serioze si pasojë e dhunës së policisë dhe gazit lotsjellës, që policia e Edi Ramës hodhi mbi banorët.<br /><br />Duket qartë se është qëndrim i poshtër i Edi Ramës, ku policia me skema tipike ushtarake rrethon banorët që kërkojnë të drejtën e tyre. Pasi policia rrethoi me një perimetër kaq të madh, nuk la gazetarët të shkojnë afër. Ka banorë të ngujuar. Policia po ushtron dhunë dhe presion. Policia u ka sekuestruar celularët banorëve."<br /><br />Brahimllari tha se banorëve iu është nxjerrë shpronësimi dhe vlera e pronës, por nuk kanë marrë paratë.<br /><br />Endrit Brahimllari: Rama i ka nxjerrë shpronësimin, i ka bërë vlerën e matjeve. Tani thjesht ti japë banorëve atë që u takon. Banorët kërkojnë të dëmshpërblehen ashtu siç ia ka bërë vlerën Edi Rama dhe Erion Veliaj pas matjeve.<br /><br />Ai shtoi se Lleshaj do jetë koka e parë e turkut e Edi Ramës.<br /><br />Endrit Brahimllari: Sandër Lleshaj do jetë koka e parë e turkut e Edi Ramës. Sandër Lleshaj ti bëjë llogaritë mirë sepse nuk mundet me skema tipike ushtarake të dhunojë banorët e këtij vendi. Po sikur gjithë qytetarët ti shkojnë në shtëpi dhe si do e presë ai këtë gjë. Çfarë bën prokuroria e përgjithshme në zyrë? Thjesht është noterja e Edi Ramës? Prokuroria të hetojë sesi policia ka dhunuar banorët e zonës. Pse Rama nuk vjen këtu të bashkëqeverisë me qytetarët.<br />Për më shumë lexoni në: <br />http://www.oranews.tv/article/brahimllari-policia-po-ushtron-dhune-mbi-banoret-hodhen-gaz-lotsjelles-ne-banesa<br />Follow RTV Ora<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
