Një grabitje spektakolare ndodhi dje pak para orës 15:00 brenda në aeroportin e Rinasit, në pistën e avionit me pasagjerë të linjës që do nisej nga Tirana për në Vjenë, duke lënë të vdekur një prej grabitësve, Admir Murataj.<br /><br />Admir Muarataj dyshohet të jetë personi që ka bërë rezistencë ndaj policisë, duke qëlluar me breshëri, duke mbrojtur 'shpatullat' e shokëve që mundën të arratisen në këmbë me thasët me para, për tu larguar më tej me një automjet të dytë i cili u gjet i djegur nga policia pranë Bathores.<br /><br />Murataj rezultonte në kërkim edhe nga drejtësia greke për grabitje, vrasje dhe plagosje, pasi u arratis nga burgu në 2013 së bashku me 10 persona të tjerë shqiptarë.<br /><br />Admir Murataj njihet ndryshe edhe si Admir Nikaj dhe është me origjinë nga Tropoja. Eshtë i martuar me një grua nga Berati e cila jeton me fëmijët në Prezë të Tiranës. Kanë dy vajza, njëra prej të cilave e martuar, dhe një djalë. Siç të afërm të tij tregojnë për Shqiptarja.com, Murataj kishte 18 vite që jetonte në Greqi, dhe vinte shumë rrallë në Shqipëri, vetëm gjatë pushimeve verore.<br /><br />Vëllai i tij që sot së bashku me bashkëshorten e Admirit dhe të afërm të tij identifikuan trupin në morgun e Tiranës, tha se vëllai i tij nuk është organizatori por një vegël. Sipas tij, janë shokët që e lanë në rrugë dhe e hodhën të vdekur, duke lënë të nënkuptuar se do të marrë hak, duke u përpjekur t'i gjejë vetë se kush janë bashkëpunëtorët<br /><br />Një grabitje e përgjakur, ku nga një shkëmbim zjarri me forcat e policisë që u vunë në ndjekje të makinës së autorëve pas grabitjes, mbeti i vdekur në një rrugë dytësore rreth 2 kilometra nga aeroporti, njëri prej grabitësve, i paidentifikuar deri ditën e djeshme. Nga pamjet në momentin e grabitjes pranë avionit, ai shihej të ishte tullac, me mjekër e syze, dhe veshje të forcave komando. Por vetëm në momentin që mbeti i vrarë në rrugë, pak metra larg furgonit të arratisë, policia kuptoi se ishte e gjitha një maskë silikoni në gjithë fytyrën e grabitësit me flokë. Ai u identifikua këtë mëngjes nga familjarët, dhe është pikërisht Admir Murataj, prej dy vitesh në kërkim si organizator i tre grabitjeve të tjera të bujshme të ndodhura mes viteve 2015-2017, njëra në Qafë Kashar, tjetra në rrugën për në Rinas, dhe grabitja e një banke tek "Stacioni i Trenit në Tiranë".Teksa disa automjete të blinduara transportonin vlera të konsiderueshme monetare nga 4 banka të ndryshme në Tiranë, për t'i futur në pjesën e bagazheve, grabitësit, që dyshohet se ishin katër persona, kanë dalë nga një furgon me mbishkrim që dyshohet të jetë i falsifikuar "Hetimi Tatimor", dhe nën kërcënimin e armëve të rënda, kanë mundur të marrin nga barku i avionit thasët me para. Grabitësit kanë thyer çdo rregull të sigurisë duke u futur nga dera e rrethimit që përdoret nga shërbimet zjarrfikëse. Kanë dalë më tej me të njëjtin furgon, ndërsa pas dhënies së sinjalit të grabitjes, një makinë e policisë që ndodhej pranë aeroportit i ka ndjekur.<br /><br />Forcat e policisë ishin me masa të shtuara për s...
