Një aksident fatal është regjistruar mesditën e sotme në aksin rrugor Shkodër- Bushat, si pasojë e së cilit kanë humbur jetën 2 persona, e ndërsa 5 të tjerë kanë mbetur të plagosur.<br /><br />Siç bën të ditur nga terreni, gazetari Ergys Kavaja, viktimat janë dy gra rreth moshës 40-45 vjeç, identiteti i së cilave nuk bëhet i ditur pasi nuk kishin me vete mjetin identifikues. Mësohet se mjeti tip Mitsubish ka goditur në pjesën e pasme automjetin tip Audi, ku dhe po udhëtonin dy viktimat.<br /><br />Të plagosur kanë mbetur Lutfi Kabaçi, 55 vjeç; Emanuel Përjaku, 23 vjeç; Jak Përjaku, 28 vjeç; Beta Mata, 32 vjeç; Pjetër Zefi, 66 vjeç dhe ndodhen jashtë rrezikut për jetën. Dyshohet se shkak është bërë shpejtësia tej normave të lejuara të automjetit tip Mitsubishi.<br /><br />Veprimet po kryhen me grup hetimor për sqarimin e rrethanave të aksidentit
