Tetë persona janë ndaluar në Elbasan si pjesë e një grupi të strukturuar të trafikut të drogës, pasi gjatë kontrollit iu gjetën dhe sekuestruan rreth 1 kg kokainë.<br /><br />Report TV zbardh emrat e 6 prej të ndaluarve gjatë operacionit të zhvilluar këtë të premte nga Drejtoria e Përgjithshme e Policisë së Shtetit në bashkëpunim me Krimet e Rënda.<br /><br />Të ndaluarit<br /><br />Lavdosh Demaj i dënuar më parë për drogë<br />Agron Qafaj i dënuar më parë për grabitje dhe<br />Aurel Ferra<br />Skënder Pëllumbi<br />Edmond Bardhi<br />Nushi Salla<br /><br />Burime nga policia bëjnë me dije se grupi shpërndante kokainë në Tiranë, Elbasan e Fier. Të njëjtat burime theksuan për Report TV se Lavdosh Demaj, i cili është kreu i një grupi seksioni të PD në Elbasan ka në pronësi një lokal në lagjen Shënkoll, ku edhe është bërë shkëmbimi i kokainës.<br /><br />Po ashtu, nga verifikimet e kryera, bëhet e ditur se Demaj ka qenë i dënuar edhe më parë për trafik droge. Në të njëjtën kohë, policia ka shtrirë hetimet edhe në persona të tjerë të dyshuar si pjesë e trafikut të drogës, të cilët merreshin me shpërndarjen dhe shitjen e kokainës.
