Role me patëllxhanë dhe mish të grirë<br /><br />Përbërësit:<br /><br />3-4 patëllxhanë<br /><br />500 gr mish i grirë<br /><br />2 kokrra vezë<br /><br />50 gr parmixhan i grirë<br /><br />20 gr galetë (bukë e thatë e grirë)<br /><br />400 gr domate<br /><br />1 qepë e vogël<br /><br />Borzilok<br /><br />Kripë dhe piper i zi<br /><br />Vaj ulliri<br /><br />Përgatitja:<br /><br />Presim patëllxhanët në feta dhe i spërkatim me pak kripë. I lyejmë me furçë me pak vaj dhe mund të vendosim në furrë ose në zgarë sa të zbuten pak. Në një tas përziejmë mishin, vezën, galetën, kripë, piper e parmixhan të grirë. Punojmë mirë brumin dhe e lëmë mënjanë.<br /><br />Në një tigan vendosim vaj dhe e kaurdisim sa të zbutet pak. Shtojmë domatet e borzilokun si dhe një majë luge sheqer dhe e lëmë të ziejë për 5 minuta. Ndërkohë me ndihmën e nje luge vendosim mish të grirë në fillim të fetës së patëllxhanit dhe e mbledhim atë role.<br /><br />Vendosim pak vaj dhe pak salcë domate në një tepsi dhe më pas vendosim roletë me patëllxhanë. I mbulojmë përsëri me salcë domate dhe e vendosim në furrë në temperaturë 180ºC për 25 minuta.
