Ministrja e Arsimit Besa Shahini ka komanduar në detyrë rektorin e ri në Universitetin e Tiranës, pas pezullimit të Mynyr Konir.<br /><br />Ai është Bernard Dosti aktualisht zëvendës rektor në Universitetin e Tiranës dhe do të mbajë këtë pozicion deri në përfundim të çështjes dhe dhënies së vendimit të formës së prerë.<br /><br />Nga ana tjetër edhe dekanët e Universitetit të Tiranës janë shprehur pro vendimit për pezullimin nga detyra të rektorit Mynyr Koni. Ata thonë se ky vendin është mjaft efiçent pasi nën drejtimin e Konit ishte krijuar një situatë ngërçi mjaft shqetësuese.<br /><br />Në fjalën e tij Dekani Dhori Kule deklaroi se ka ardhur koha që pedagogë dhe studentë të shohin sa e lehtë është që institucioni që mëson të tjerët do mësojë të sillet në mënyrë të ligjshme.<br /><br />Ndërkohë ministrja Besa Shahini ka kërkuar nga presidenti Ilir Meta të marrë vendimin për shkarkimin e Mynyr Konit, por ai ende nuk është shprehur për këtë çështje.<br /><br />Në deklaratën e saj për mediat, ministrja Besa Sahini njoftoi se pezullimi i Konit vjen për shkak se nuk ka reaguar pas kërkesave të studentëve, për plotësimin e tyre.<br /><br />Pezullimi i tij ishte njoftuar më herët edhe nga kryeministri Edi Rama, i cili u shpreh gjatë një takimi me studentë dhe pedagogë se Koni nuk ka mbajtur përgjegjësitë që i takojnë në raport me problemet e studentëve.<br /><br />Rama tha se pas protestës së studentëve cdo gjë ka lëvizur përveç xhaketës së rektorit, që sipas tij ai vijon që të mos ketë asnjë shqetësim edhe pse pjesa më e madhe e kërkesave të studentëve është përgjegjësi e rektoratit, bazuar te autonomia.
